Իրանի Իսլամական հեղափոխության պահապանների կորպուսը (ԻՀՊԿ) հայտարարում է, որ Սպահանի հարավում խոցել է ամերիկյան ինքնաթիռ, որը որոնում էր անհետ կորած սպային. հայտնում է Fars-ը։

Իրանական լրատվամիջոցն իր Telegram ալիքում հրապարակել է լուսանկար, որտեղ երևում է դաշտի վրա բարձրացող թանձր ծուխը։

«Թրամփի հուսահատ փորձը՝ թաքցնելու խոշոր պարտությունը»,- ասված է հրապարակման մեջ։

Հաղորդագրությունը հայտնվել է այն բանից հետո, երբ Թրամփը հայտարարել էր անձնակազմի անհետ կորած անդամի փրկության մասին։

Իր հերթին Mehr-ը հաղորդում է, որ Սպահանից հարավ «իսլամի ռազմիկները» ոչնչացրել են ամերիկյան ինքնաթիռը, որը որոնում էր խոցված կործանիչի օդաչուին։

Ավելի վաղ ԱՄՆ նախագահը հայտնել էր Իրանի «դավադիր լեռներում» խոցված F-15 կործանիչի օդաչուի փրկության մասին ։

Ըստ Axios-ի հետ զրուցած ամերիկացի պաշտոնյաների, իրականացվել է բարդ գործողություն՝ ԿՀՎ-ի և կոմանդոսների ջոկատի ներգրավմամբ։

Նշվում էր, որ գործողության բոլոր մասնակիցները, ներառյալ օդաչուն, այժմ գտնվում են Իրանի սահմաններից դուրս։