նախընտրելի դարձնելԵրեւանի Ազատության պողոտա 12/1 հասցեում, փետրվարի 19-ին, գտնվող պուրակում ապօրինի ծառահատում է իրականացվել:
Երեւանի քաղաքապետարանի մամուլի ծառայությունից NEWS.am-ին հայտնում են, որ տեղազննության արդյունքում պարզվել է, որ հատվել 6 կենսունակ ծառ, որոնցից 3-ը թույա ծառատեսակի ` կոճղի 10,12 եւ 13 սմ տրամագծերով, 1 հատ հացենի եւ 2 թեղի` կոճղի համապատասխանաբար 19, 15 եւ 11 սմ տրամագծերով:
Ապօրինի ծառահատման փաստի առթիվ կազմվել է համապատասխան արձանագրություն եւ քաղաքապետարանը համապատասխան գրությամբ դիմել է ՀՀ բնապահպանության նախարարության բնապահպանության պետական տեսչության Երեւան քաղաքի բնապահպանության տեսչություն եւ ՀՀ ոստիկանության Երեւան քաղաքի վարչության Քանաքեռ-Զեյթուն բաժնին`համապատասխան ընթացք տալու համար:
