Մաշտոցի պողոտայում գտնվող «Ատլանտիդա» ակումբում երեկ՝ դեկտեմբերի 19-ին վիճաբանություն է եղել: Այն ծագել է մի երիտասարդի ու աղջկա միջեւ, եւ վերածվել է ծեծկռտուքի: Նախնական տեղեկություններով` կռվի ընթացքում տղան ձեռքերով ոտքերով հարվածներ է հասցրել աղջկան:
NEWS.am-ը ոստիկանությունից տեղեկացել է, որ ակումբում տեղի ունեցած միջադեպի մասին իրավապահներին հայտնի է դարձել միջադեպից ժամեր անց: «Հաղորդումը ըհնդունվել է մեզ մոտ, դատաբժշկական փորձանքնություն է նշանակվել, ձեռնարկվում են միջոցառումներ անձը պարզելու եւ նրան հայտնաբերելու ուղղությամբ»,- հայտնել են ոստիկանության լրատվական ծառայությունից՝ չնշելով այլ մանրամասներ: