Փարիզում ապրիլի 24-ին՝ Ցեղասպանության զոհերի հիշատակի օրը, Ֆրանսիայի հայկական կազմակերպությունների համակարգող խորհուրդը մի շարք միջոցառումներ կկազմակերպի, գրում է «Nouvelles d'Arménie»-ն:
Այդ օրը տեղի ժամանակով 15:00-ին տեղի կունենա սգո պատարագ՝ Փարիզի հայ առաքելական Սբ. Հովհաննես Մկրտիչ եկեղեցում: Իսկ 18:30-ին կսկսվի հանրահավաք եւ ցույց Կանադայի հրապարակում՝ Կոմիտասի արձանի մոտ, որտեղից նախատեսվում է երթ կազմակերպել:
Նշենք, որ 1915 թ. ապրիլի 24-ին Կոստանդնուպոլսում ձերբակալվել եւ գլխատվել էր հայ ողջ մտավորականությունը: Հայոց ցեղասպանությունը պաշտոնապես ճանաչել են Ուրուգվայը, Ֆրանսիան, Իտալիան, Գերմանիան, Բելգիան, Նիդեռլանդները, Շվեյցարիան, Ռուսաստանը, Լեհաստանը, Լիտվան, Հունաստանը, Կիպրոսը, Սլովակիան, Արգենտինան, Կանադան, Վատիկանը, Լիբանանը, Չիլին Շվեդիան եւ մի շարք այլ պետություններ:
