1992թ. հոկտեմբերի 19-ին ավարտվել էր Հայաստանի ԶՈՒ հրթիռահրետանային ստորաբաժանումների կազմավորումը: Այդ օրվանից հոկտեմբերի 19-ին Հանրապետությունում տոնում են Հրթիռահրետանային զորքերի օրը:
Վերջին մի քանի տարում Հայաստանը զգալի ամրապնդել է հրթիռահրետանային բազան: Հայաստանի Անկախության օրվան նվիրված շքերթների ժամանակ երկրի Զինված ուժերը անպայման ցուցադրում են հրթիռահրետանային զինանոցը:
Օրինակ, Չինաստանից գնված համազարկային կրակի WM-80W ռեակտիվ համակարգերը համալրված են արդիականացված նոր հրթիռներով, որոնց հեռահարությունը հասցվել է մինչեւ 120կմ-ի:
Հայաստանի հրթիռահրետանային զորքերը զինանոցում ունեն նաեւ AR1A հրթիռահրետանային համակարգեր եւ օպերատիվ-մարտավարական նշանակությամբ հրթիռներ:
Հրթիռահրետանային զորքերի օրվա առթիվ այս զորքերի բանակային զորամասերում հանդիսավոր միջոցառումներ են անցկացվում բանակի բարձրաստիճան պաշտոնյաների մասնակցությամբ:
