Իրանի մայրաքաղաք Թեհրանից Երեւան թռչող Iran Aseman Air ընկերության Boeing 737 ուղեւորատար ինքնաթիռը վթարային վայրէջք է կատարել Իրանի Մեհրաբադի օդանավակայանում:
NEWS.am-ի թղթակցին Քաղավիացիայի գլխավոր վարչության մամուլի խոսնակ Ռուբեն Գրդզելյանն ասաց, որ Թեհրանից օդ բարձրացած օդանավը ինչ-որ տեխնիկական խնդիրներ է ունեցել, ուստի հետ է գնացել: «Ինքնաթիռը փոխել են, ուղեւորներն արդեն ինքնաթիռի մեջ են, հիմա կթռչեն»,-ասաց նա:
Մամուլի խոսնակն ասաց, որ ինքնաթիռում 128 ուղեւոր կա, իսկ այստեղ՝ Երեւանում, այդ ինքնաթիռով գնալուն սպասում է 47 հոգի, որոնց ավիաընկերությունը ապահովել է ամեն ինչով:
