Ամերիկյան Փենսիլվանիա նահանգի բնակչուհին, որին ձերբակալել էին գողության համար, հաջողացրել է ձեռնաշղթաներով փախուստի դիմել ոստիկանական մեքենայով:
27-ամյա Ռոքսանա Ռիմերին ձերբակալել էին այն բանից հետո, երբ նա ոսկեղենի խանութից ականջողեր էր գողացել: Կնոջը ձեռնաշղթաներ են հագցրել եւ նստեցրել Jeep Liberty մակնիշի մեքենայի հետեւից նստատեղին:
Երբ ոստիկանները դուրս են եկել մեքենայից, Ռիմերին հաջողվել է անցնել հետեւի եւ առջեւի նստատեղերը բաժանող պատի անցքի միջով, հայտնվել ղեկի մոտ եւ փախցնել մեքենան:
Նա ձեռքերը հետեւին կապած կարողացել է 160 կմ/ժամ արագություն զարգացնել, հաղորդում է Lenta.ru-ն՝ վկայակոչելով ամերիկյան լրատվամիջոցները:
Իրավապահները հետապնդել են կնոջը, որին հաջողվել է ձերբակալել միայն 15 րոպե անց, երբ նա դուրս է նետվել մեքենայից, իսկ վերջինս բախվել է բլուրին: