Ուկրաինական Ռովոն քաղաքում կայացել է Գեորգի Հարությունյանի, Վալերի Օնապասյուկի եւ Ալեքսանդր Խրապչենկոյի հուղարկավորության արարողությունը: Նրանք զոհվել էին Կիեւում, փետրվարի 20-ին տեղի ունեցած բախումների ժամանակ:
Արարողությանը մասնակցել են Ռովնոյի հազարավոր բնակիչներ, նաեւ հայ համայնքի ներկայացուցիչներ Ուկրաինայի տարբեր մարզերից: Հոգեհանգստյան կարգը կատարել են ուկրաինական եկեղեցու հոգեւորականներ, Լվովի Հայկական եկեղեցու քահանա Տեր Թադեւոս Գեւորգյանը:
Նշենք, որ Գեորգի Հարությունյանը «Սվոբոդա» կուսակցության ակտիվ անդամներից էր:
Փետրվարի 23-ին Ուկրաինայի հայկական եկեղեցիներում հոգեհանգստյան կարգ է մատուցվել ի հիշատակ բախումների բոլոր զոհերի:
Կիեւում սպանված Գեորգի Հարությունյանի երեքամյա դուստրը երկկողմանի ծնողազուրկ է դարձել
