ՀԱՊԿ գլխավոր քարտուղարի մասին հարցը հանվել է Հավաքական անվտանգության խորհրդի երեւանյան նստաշրջանի օրակարգից։ Այս մասին հայտնել է Հայաստանի նախագահ Սերժ Սարգսյանը նստաշրջանի արդյունքներն ամփոփող ճեպազրույցի ժամանակ։
Նախագահի խոսքով, հարցը քննարկվելու է տարեվերջին Սանկտ Պետերբուրգում։
Ինչպես ավելի վաղ հայտնել էինք, ՀԱՊԿ Հավաքական անվտանգության խորհրդի նստաշրջանին մասնակցելու համար Երեւան են ժամանել Ռուսաստանի, Բելառուսի, Ղրղզստանի, Տաջիկստանի նախագահները։ Իսկ Ղազախստանը ներկայացված է վարչապետով։
Ավելի վաղ Հայաստանի ԱԳՆ-ում կայացել է ՀԱՊԿ կանոնադրական մարմինների՝ արտգործնախարարների, պաշտպանության նախարարների, հավաքական անվտանգության խորհուրդների քարտուղարների նիստը։