10 օր առաջ Սեւանում կորած Գեղարքունիքի մարզի Նորատուս գյուղի երկու բնակիչներց մեկի դին այսօր՝ նոյեմբերի 9-ին, հաջողվել է գտնել: Այս մասին NEWS.am-ը տեղեկանում է ՀՀ ԱԻՆ մամուլի ծառայությունից: Փրկարարները գտել են 24-ամյա Արեւշատ Առաքելյանի դին, իսկ 25-ամյա Ամուր Կյուրեղյանի որոնողական աշխատանքները շարունակվում են:
Փրկարարներն նոյեմբերի 6-ին Սեւանա լճում հայտնաբերել էին այն մոտորանավակը, որով նորատուսցի երկու երիտասարդ ձկնորսները դուրս էին եկել ձկնորսության:
Հիշեցնենք, որ Սեւանա լճում հոկտեմբերի 31-ին, կորած երկու ձկնորսները Գեղարքունիքի մարզի Նորատուս գյուղի բնակիչներ 25 եւ 24–ամյա Ամուր Կյուրեղյանը եւ Արեւշատ Առաքելյանն են:
Նախնական տեղեկություններով` երիտասարդները ձկնորսության են դուրս եկել եւ չեն վերադարձել:
Դեպքի վայրում են մարզային ճգնաժամային կառավարման կենտրոնի օպերատիվ խումբը եւ հատուկ ջրափրկարարական ջոկատը:
