15 երկրներում Հայաստանի դեսպանությունները տեղեկատվական տեխնոլոգիաների գծով Հայաստանի ներկայացուցիչներ կունենան: Այս մամսին նոյեմբերի 10-ին կայացած ՀՀ կառավարության նիստում հայտարարել է վարչապետ Կարեն Կարապետյանը:
«Նման խնդրանքով դիմել են ՏՏ ոլորտի ներկայացուցիչները՝ նշելով, որ այդ ներկայացուցիչների ծախսերն իրենք կհոգան: Իսկ մենք պարզապես պետք է նրանց համապատասխան իրավասություններով օժտենք, որպեսզի պարզ լինի, որ նրանք գործում են պետության անունից»,- պարզաբանեց Կարապետյանը:
Վարչապետի խոսքով՝ բիզնեսի մյուս բնագավառների ներկայացուցիչները նույնպես կարող են հետեւել այս օրինակին: Կարեն Կարապետյանը տնտեսական զարգացման եւ ներդրումների նախարարին հանձնարարել է այս հարցը քննարկել բիզնեսի հետ: «Կարելի է այս ձեւաչափով աշխատել՝ առանձին առեւտրային ներկայացուցչություններ չստեղծելու համար»,- հավելել է նա:
