ԼՂ-ում նախօրեին վիրավորված զինծառայողների վիճակը ծանր կայուն է: Այս մասին այսօր՝ դեկտեմբերի 1-ին, NEWS.am-ի հետ զրույցում ասաց Կենտրոնական կլինիկական զինվորական հոսպիտալի պետ Արամ Ասատուրյանը:

Նա նշեց, որ իրենց մոտ են տեղափոխվել ժամկետային զինածառայող 19-ամյա Կարապետ Միքայելյանը եւ 24-ամյա Քաջիկ Բադալյանը: Կարապետ Միքայելյանը ստացել է գլխի թափանցող վիրավորում, իսկ Քաջիկ Բադալյանը որովայնի թափանցող, գնդակային վիրավորում, վնասվել են նրա աղիները եւ աջ ազդրը:

Նշենք, որ նախօրեին վիրավորված մեկ այլ զինծառայող էլ՝ 32-ամյա Գագիկ Պողոսյանը, գտնվում է Ստեփանակերտի հոսպիտալում:

Ավելի վաղ NEWS.am-ի հետ զրույցում ՀՀ ՊՆախարարի մամուլի խոսնակ Արծրուն Հովհաննիսյանը հաստատել էր զինծառայողների վիրավորվելու լուրը: 32-ամյա Գագիկ Պողոսյանն ու 24-ամյա  Քաջիկ Բադալյանը Արցախի Աշան գյուղից են:

Նկարում Քաջիկ Բադալյանն է

Նկարում Գագիկ Պողոսյանն է