Ստամբուլի Բեյօղլու թաղամասում տաքսիների համար նախատեսված վայրում կանգնած տաքսու կին վարորդ Թուլայ Օ․-ն ենթարկվել է տղամարդ վարորդների հարձակմանը։

Թուրքական BirGun-ի փոխանցմամբ՝ տաղամարդ տաքսու վարորդները հայտարարել են, թե այդ վայրում միայն իրենք են մեքենա կայանում եւ ստիպել կին վարորդին հեռանալ։ Սակայն երբ կին վարորդը հրաժարվել է հեռանալ՝ պնդելով, թե այդ վայրը պարզապես տաքսիների կայանման վայր է, ոչ թե ինչ-որ մեկի սեփական տարածքը, տղամարդ վարորդները հարձակվել են նրա վրա եւ ծեծի ենթարկել, վնասել կնոջ մեքենան։