Թուրքիայի Բուրսա քաղաքի շուկայում կրակոցները մեծ խուճապ են առաջացրել գնորդների մոտ։

Թուրքական Cumhuriyet-ի փոխանցմամբ՝ նախկին ոստիկան Գյուրքան Էրոլը շուկայում մոտեցել է մանդարինի տաղավարներից մեկին եւ փորձել մանդարին ընտրել, սակայն չի կարողացել իր ուզածը գտնել։ Գյուրքան Էրոլը կատաղած հորդորել է վաճառողին՝ նորմալ մանդարին բերել։ Վաճառողն էլ պատասխանել է, թե այլ վաճառողներ կան, որ եթե իր մոտից չի հավանում, թող ուրիշ տեղից գնի։

Վաճառողի պատասխանը դուր չի եկել նախկին ոստիկանին, ով ատրճանակով կրակել է վաճառողի եւ նրա կողքը կանգնած մի տղամարդու վրա։

Վիրավորված վաճառողին եւ տղամարդուն տեղափոխել են հիվանդանոց, նախկին ոստիկանին՝ ոստիկանություն։