Քալիֆորնիայի Գլենդել նահանգում հայ երիտասարդները առանձնատունը կողոպտել էին նախկին նախագահ Ռոնալդ Ռեյգանի դիմակներով։ Գլենդելի ոստիկանությունը նոր մանրամասներ է հրապարակել առանձնատան գողության դեպքից, երբ երեք երիտասարդների են ձերբակալել անցած շաբաթ։
Ոստիկանները անհայտ անձից ահազանգ են ստացել, որ երեք անձինք Գլենդելում գտնվող մի առանձնատուն են մտնում հետնամուտքից։ Երեքն էլ դեպքի վայրից հեռացել են մեքենայով, սակայն իրավապահներին հաջողվել է կանգնեցնել նրանց եւ մեքենան խուզարկելով, հայտնաբերել գողացված իրերը, նախկին նախագահի դիմակներն ու խաղալիք ատրճանակ:
Ձերբակալվել է երեք անձ, որոնցից մեկն անչափահաս է։ Մյուս երկուսը՝ 20-ամյա Գագիկ Սարգսյանն ու 18-ամյա Նարեկ Մարտիրոսյանն են։
Ըստ ոստիկանության սերժանտ Դենիել Սաթլսի, ձերբակալվածները ոգեշնչվել էին 90-ականների ամերիկյան մարտաֆիլմերից։
Գագիկ Սարգսյանն ու Նարեկ Մարտիրոսյանը տեղափոխվել են չափահասների բանտ, իսկ դեռահասին, որի ինքնությունը չի հաղորդվում, ետղափոխել են մանկական բանտ։ Երեքն էլ Գլենդելի բնակիչներ են։
