2017 թվականն Ադրբեջանի համար որոշ բարդություններով անցավ: Այս մասին դեկտեմբերի 27-ին լրագրողների հետ հանդիպման ժամանակ ասաց հանրապետական պատգամավոր, «Եվրոպական ինտեգրացիա» հասարակական կազմակերպության նախագահ Կարեն Բեքարյանը:
Ըստ որում, փորձագետի կարծիքով, խնդիրները շարունակական բնույթ կունենան եւ իրենց զգացնել կտան հաջորդ տարի: «Այն բոլոր միջազգային կառույցները եւ կազմակերպությունները, որոնք մարդու իրավունքների եւ ազատությունների պահպանման մոնիթորինգ են իրականացնում, շարունակում են Ադրբեջանում լուրջ դեգրադացիա գրանցել»,- պարզաբանեց Բեքարյանը:
Նա նաեւ նշեց, որ Բաքվի կողմից ՄԻԵԴ պահանջների փաստացի չկատարումը առաջացրել է ոչ միայն այս կազմակերպության, այլ նաեւ Եվրոպայի խորհրդի որոշակի աձագանքը: «Սա աննախադեպ դեպք է: Ադրբեջանի եւ նրա առաջնորդ Իլհամ Ալիեւ շուրջ նաեւ կոռուպցիոն սկանդալներ եղան: Այս ամենը մեծ հարված էր Ադրբեջանի եւ մասնավորապես Ալիեւի հեղինակությանը»,- եզրափակեց Կարեն Բեքարյանը:
