News
Լրահոս
News
Երկուշաբթի
Օգոստոս 20
Տեսնել լրահոսը

Արարատի մարզի ընդհանուր իրավասության դատարանը անփոփոխ է թողել մահացած 65-ամյա Գյանջիրով Հովհանյանի դստեր բողոքը՝ կապված գործում առկա գրության կեղծ լինելու մասին: NEWS.am-ի հետ զրույցում մահացած դուստրը Գայանե Հովհանյանը պնդում է, որ գրությունը կեղծված է ճանաչվել, քանի որ այն իր հոր մահից հետո է հայտնվել, սակայն դատարանը ոչ մի ուշադրություն չի դարձրել այդ հանգամանքի վրա:

«Քննիչները չկարողացան պարզել, թե ով էր գրության հեղինակը, չնայած որ դա շատ հեշտ էր անել: Քննիչները ուղարկել էին գրությունը փորձագիտական կենտրոն վաղեմության ժամկետը ճշտելու նպատակով, սակայն պատասխան էին ստացել, որ չունեն թանաք փորձաքննություն իրականացնելու համար: Քննիչներն էլ բավարարվել էին այդ պատասխանով: Դրանից հետո բողոքարկեցի, ի վերջո դատական նիստ նշանակվեց, բայց այս անգամ էլ ասում էին, որ գործի նյութերը  դատարան չեն հասնում, ես էի օգնում, որ նյութերը հասնեն դատարան, հետո նիստեր չէին նշանակվում: Բողոքեցի ու վերջապես բողոքս տեղ հասավ: Եւ ի վերջո դատական ակտ կայացվեց, սակայն դատարանը նույնը թողեց որոշումը, որ քանի որ քրեական գործով չի պարզվել հանցանք կատարած անձանց, ապա բողոքս մերժվում է: Սակայն ինչպես է հնարավոր, որ մահից հետո մարդը գործից դուրս գալու դիմում գրի ու ստորագրի»,- ասաց Գայանեն:

Չնայած որ Արարատի բնակիչ 65-ամյա Գյանջիրով Հովհանյանին ծառից պարանով կախված են հայտնաբերել, դուստրը`Գայանեն վստահ է՝ կատարվածը սպանություն է: Նշենք, որ Գայանեն պնդում է, որ հոր մահվան մեղավորները քարի արտադրամասի սեփականատերերն են՝ Ավետիսյանները, որոնց մոտ էլ աշխատել է Գյանջիրով Հովհանյանը:

Գայանե Հովհանյանը հավելեց, որ առաջին ատյանի դատարանի որոշումը բողոքարկել է ՀՀ Վերաքննիչ քրեական դատարան եւ հուսով է, որ Վերաքննիչը «կաշկանդված» չի լինի, ու Վերաքննիչում արդարացի որոշում կկայացնեն:

Նշենք, որ Գյանջիրով Հովհանյանի մահվան դեպքով նախաքննական մարմինը քրեական գործ չի հարուցել հանցակազմի բացակայության պատճառաբանությամբ: Այս կապակցությամբ երկրորդ փուլում Գայանե Հովհանյանը բողոք է ներկայացրել Քանաքեռ եւ Զեյթուն վարչական շրջանների ընդհանուր իրավասության դատարան, որտեղ քրեական գործի կասեցումն անփոփոխ է մնացել, իսկ Վերաքննիչ դատարանը ամբողջությամբ պարտավորվել էր վերացնել առաջին ատյանի վճիռը՝ արձանագրելով, որ խախտվել են տուժողի իրավահաջորդի իրավունքները:

Այնուհետեւ երկրորդ փուլում գործը քննել է հատուկ կարեւոր գործերով քննչական վարչությունը, եւ գործը կասեցրել էին, սակայն Վերաքննիչ քրեական դատարանը բեկանել էր այս որոշումը եւ այժմ գործը Վճռաբեկ դատարանում է:

Տպել
Կարդացեք նաև
Ամբողջը
Վրաերթեր Երեւանում եւ Արտաշատում. Հիվանդանոց են տեղափոխվել 15-ամյա պատանի եւ 79-ամյա կին
Օգոստոսի 18-ին, ժամը 21.30-ին, «Նիսսան» մակնիշի ավտոմեքենան Երեւանի Տիգրան Մեծի պողոտայի թիվ 71 շենքի մոտ...
Երեք օրում բացահայտվել է հանցագործության 105 դեպք. Բռնաբարություն, անձի առեւանգում, ծեծ, թմրանյութեր
Անցած 3 օրվա ընթացքում հանրապետությունում արձանագրվել է ճանապարհատրանսպորտային 36 պատահար, ինչի հետեւանքով 2 մարդ զոհվել է, 61-ը՝ ստացել տարբեր աստիճանի մարմնական վնասվածքներ…
Երեւան-Գյումրի ճանապարհին մեքենան բախվել է արգելապատնեշին. վարորդը տեղում մահացել է, կան վիրավորներ
Ինքնավթար Երեւան-Գյումրի ճանապարհին...
ՃՈ ուժեղացված ծառայություն Երեւանում. կազմվել է շուրջ 1000 արձանագրություն
40 վարորդ մեքենան վարել է ոչ սթափ վիճակում, 10-ը տրանսպորտային միջոց եղել է տարբեր գերատեսչությունների կողմից հետախուզման մեջ, 90-ի հողմապակիներն էլ եղել են թաղանթապատ...
Չեչնիայում սերիական հարձակումներ են տեղի ունեցել ոստիկանության աշխատակիցների վրա
Հարձակվողները սպանվել են...
ՔԿՀ դատապարտյալների համար բերված հանձնուքներում գտել են հեռախոսի բաժանորդային քարտեր, կասկածելի փոշի եւ դառը աղցան
Հայտնաբերվածներն ուղարկվել են դատաքիմիական փորձաքննության
Partner news