Իսրայելը Եգիպտոսի հետ «պատմական» պայմանագիր է կնքել` միլիարդավոր դոլարներով գազի վաճառքի համար: Այս մասին հայտարարել է վարչապետ Բենիամին Նեթանյահուն, հաղորդում է AFP-ն: Նրա խոսքով՝ համաձայնագիրը միլիարդավոր դոլարներ կբերի:
Նշենք, որ 1979 թվականից Եգիպտոսը դարձել է առաջին արաբական երկիրը, որը Իսրայելի հետ համաձայնագիր է ստորագրել:
Իսրայելի Delek էներգետիկ խումբը ասել է, որ գործարքի արժեքը 15 միլիարդ դոլար է կազմում: ԱՄՆ-ում Delek-ի եւ Noble Energy-ի միջեւ պայմանագիր է կնքվել իսրայելական Լեւիաթան եւ Թամար հանքավայրերից 10 տարվա ընթացքում եգիպտական Dolphinus ընկերությանը 64 միլիարդ խորանարդ մետր գազ մատակարարելու մասին: