Իսրայելական բանակի հետ բախումների հետևանքով զոհված պաղեստինցիների թիվը հասել է տասը մարդու, հայտնել է Պաղեստինի առողջապահության նախարարության ներկայացուցիչ Աշրաֆ ալ –Կեդրան, փոխանցել է ՌԻԱ Նովոստին։
Ավելի վաղ առողջապահության նախարարությունը հայտնել էր ութ զոհերի մասին, իսկ ՄԱԿ-ում Պաղեստինի մշտական դիտորդ Ռիադ Մանսուրը հայտնել էր ինը զոհերի մասին։
Ալ-Կեդրան հավելել է, որ զոհվել է նաև մի պաղեստինցի լրագրող, որը մահացել է հիվանդանոցում ապրիլի 6-ի երեկոյան հրազենային վիրավորումից։
Գազայի հատվածում անցնում է Վերադարձի մեծ երթի երկրորդ բազմամարդ ակցիան՝ հակաիսրայելական բողոքների շարք, որը պաղեստինցիները սկսել են մեկ շաբաթ առաջ ու խոստանում են շարունակել մինչև մայիսի կեսերը։
Մեկ շաբաթ առաջ, երբ սկսվեց «Վերադարձի մեծ երթը» , բախումների հետևանքով զոհվեց առնվազն 21 պաղեստինցի։
Մարտի 30-ը համարվում է պաղեստինա- իսրայելական դիմակայության մեջ ամենաարյունոտ օրը 2014-ի ամռան զինված բախումից հետո ։
Գազայի հատվածի սահմանին բախումների ժամանակ 3 պաղեստինցի է զոհվել
