Իրանի միջուկային համաձայնագրից ԱՄՆ-ի միակողմանի դուրս գալը որոշում է, որը անկայունություն եւ նոր հակամարտություններ կառաջացնի: Այս մասին Twitter-ում գրել է Թուրքիայի նախագահի օգնական Իբրահիմ Կալինը, հաղորդում է Anadolu-ն:
Նրա խոսքով՝ բազմակողմ համաձայնագիրը այլ երկրների մասնակցության շնորհիվ կպահպանվի: «Թուրքիան կշարունակի միջուկային զենքի բոլոր ձեւերի դեմ վճռական դիրքորոշում ունենալ», - ավելացրել է նա:
Մինչ այդ Թուրքիայի էկոնոմիկայի նախարար Նիհաթ Զեյբեքչին հայտարարել է, որ Թուրքիան կշարունակի Իրանի հետ առեւտրային հարաբերությունները: «Այս պահից մենք հնարավորությունների շրջանակում կիրականացնենք Իրանի հետ մեր առեւտուրը, եւ ոչ մեկին հաշվետու չենք լինի», - CNN Tur-ին ասել է Զեյբեքչին:
