ՀՀ երկրորդ նախագահ Ռոբերտ Քոչարյանի հարցաքննությունն ավարտվեց: Այս մասին հաղորդում է NEWS.am-ի թղթակիցը ՀՔԾ-ից:
Հարցաքննությունը տեւել է մի քանի ժամ: Հատուկ քննչական ծառայությունից դեռեւս պաշտոնապես ոչինչ չեն հաղորդում:
Նշենք, որ Հատուկ քննչական ծառայության պետ Սասուն Խաչատրյանը այսօր լրագրողների հետ ճեպազրույցում հայտնել էր, որ հարցաքննությունը տեսաձայնագրվելու և կցվելու է քրեական գործին:
Հիշեցնենք, որ Հայաստանի երկրորդ նախագահ Ռոբերտ Քոչարյանն առաջին անգամ հարցաքննության էր կանչվել հուլիսի 6-ին, սակայն չէր ներկայացել Հայաստանից բացակայելու պատճառաբանությամբ: Քոչարյանի գրասենյակի ղեկավար Վիկտոր Սողոմոնյանն ավելի վաղ հայտարարել էր, որ ՀՀ երկրորդ նախագահը կներկայանա հարցաքննության, երբ հուլիսի 25-ից հետո արտերկրից վերադառնա Հայաստան:
Նշենք, որ այսօր Մարտի 1-ի գործով հարցաքննության է հրավիրվել նաեւ ՀԱՊԿ գլխավոր քարտուղար Յուրի Խաչատուրովը: