Երեւանի Վարդգես Պետրոսյանի անվան հիմնական 51 դպրոցի տնօրեն, ՀՀ 3-րդ նախագահ Սերժ Սարգսյանի խնամի Ալիսա Ղազարյանն ազատվել է աշխատանքից:
NEWS.am-ի հետ զրույցում դպրոցի տնօրենի ժամանակավոր պաշտոնակատար Անուշ Ալավերդյանը հայտնեց, որ Ղազարյանն աշխատանքից ազատվել է սեփական դիմումի համաձայն:
«Հոկտեմբերի 1-ին հայտարարված է մրցույթը, դիմումների ընդունման վերջնաժամկետը սեպտեմբերի 19-ն է: Մեր դպրոցից երկու ուսուցիչ, այդ թվում՝ ես, ցանկանում ենք մասնակցել թափուր պաշտոնի մրցույթին, բայց դրա համար հավաստագիր է պետք, իսկ մենք այն ստանալու ենք սեպտեմբերի 23 կամ 24-ին»,- ասաց Անուշ Ալավերդյանը:
Նա հույս հայտնեց, որ միգուցե կրթության եւ գիտության նախարարությունը կերկարաձգի դիմումների ընդունման վերջնաժամկետը, որ իրենք նույնպես մրցույթին մասնակցելու հնարավորություն ունենան:
