News
Լրահոս
News
Հինգշաբթի
Դեկտեմբեր 03
USD
510
EUR
617.61
RUB
6.79
ME-USD
0.01
Տեսնել լրահոսը

ԱԺ նախկին պատգամավոր, «Շշի Մելո» անունով հայտնի գործարար Մելիք Մանուկյանի դեմ օգոստոսի 2–ին իրականացված մահափորձի գործով մեղադրյալ Արթուր Մխիթարյանի պաշտպան Գայանե Գրիգորյանը հանցագործության մասին հաղորդում է ներկայացրել ՀՀ գլխավոր դատախազ Արթուր Դավթյանին։ Այս մասին NEWS.am–ին հայտնեց Գրիգորյանը։

Պաշտպանի խոսքով՝  Կոտայքի մարզային վարչության Աբովյանի բաժնում, բաժնի պետի ներկայությամբ իր պաշտպանյալի նկատմամբ ֆիզիկական եւ հոգեբանական ճնշումներ են գործադրվել, խոշտանգել նրան, ինչի արդյունքում արդեն ՔԿՀ–ում Մխիթարյանն ինքնավնասում է կատարել։

«Աբովյանի ոստիկանապետի ներկայությամբ իմ պաշտպանյալին հայտնել են, որ ինքը պետք է գրի, որ դեպքը կատարվել է ազատանցի Պետոյի պատվերով, ասել են, որ եթե այդպես գրի, իրեն կտան 1.500.000 ԱՄՆ դոլար, ապա իրեն եւ ընտանիքի անդամներին կտեղափոխեն Շվեդիա, որտեղ իրենք անհոգ կապրեն:

Երբ պաշտպանյալս հայտնել է, որ ինքը կապ չունի այդ ամենի հետ, ազատանցի Պետո չի ճանաչում, ինչպե՞ս այդպես գրի, պետի հրահանգով սկսել են իրեն խոշտանգել, մասնավորապես՝ իր ձեռնաշղթաների դիրքը փոխել են, երկու ձեռքերը մեջքի հետեւում ձեռնաշղթայով միացված վիճակում սկսել են հարվածել նրան, սրբիչը փաթաթել են վզին եւ սեղմել, որի արդյունքում պաշտպանյալս ֆիզիկական ուժեղ ցավ է զգացել: Այնուհետեւ հարվածներ են հասցրել պաշտպանյալիս մարմնի տարբեր հատվածներին, հաստ գրքով ուժգին հարվածել են պաշտպանյալիս գլխին»,–պատմեց փաստաբանը։

Գայանե Գրիգորյանի խոսքով՝ ոստիկանները իր պաշտպանյալին հայտնել են, որ նրան 20 տարվա ազատազրկում է սպառնում։

«Սկսել են նաեւ սպառնալիքներ հնչեցնել, թե՝ «կտեսնես Մելոն ինչ կանի քո ու ընտանիքիդ անդամների գլխին», ինչից պաշտպանյալս լուրջ մտավախություն ունի, որ իրոք կարող են իր ընտանիքի անդամներին եւ իրեն վնասել:

Արդյունքում սպառնալիքներից պաշտպանյալիս առողջական վիճակն ավելի է վատթարացել: Իրեն անելանելի վիճակում զգալով՝ ՔԿՀ-ում մի քանի անգամ ինքնավնասումներ է կատարել՝ ցանկանալով վերջ տալ կյանքին»,–պատմեց պաշպանը։

Այսպիսով փաստաբանը գլխավոր դատախազին խնդրել է՝ հանձնարարել վերը նշված փաստերի արդյունքում հարուցել քրեական գործ՝ պատասխանատվության ենթարկելով մեղավորներին։

Բացի այդ, հաշվի առնելով այն հանգամանքը, որ Մխիթարյանի  եւ իր ընտանիքի անդամների հասցեին իրավապահ մարմինների կողմից հնչեցվել են սպառնալիքներ, պաշտպանը խնդրել է անվտանգության միջոցներ ձեռնարկել՝ ապահովելու համար պաշտպանյալիի եւ նրա ընտանիքի անդամների անվտանգությունը:

NEWS.am–ի հետ զրույցում գործով մեղադրյալ Պետրոս Էլբակյանի պաշտպան Գեորգի Մելիքյանը հայտնեց, որ ոստիկանական բաժնում ճնշումներ են գործադրվել նաեւ իր պաշտպանյալի նկատմամբ։

Նա նշեց, որ Էլբակյանն իրեն մեղավոր չի ճանաչում եւ նրա անմեղությունը հաստատող փաստեր կան։

Պաշտպանի խոսքով՝ իրավապահների գործողությունների արդյունքում հնարավոր է գործով տուժող Մելիք Մանուկյանը փորձի հաշվեհարդար տեսնել գործով մեղադրյալների նկատմամբ։

Հիշեցնենք, որ Երեւան-Սեւան ավտոճանապարհին պայթյունը տեղի է ունեցել օգոստոսի 2-ին`Մելիք Մանուկյանին պատկանող ապակե տարաների գործարանի մոտ։ Դեպքի առթիվ հարուցվել է քրեական գործ ՀՀ ՔՕ-ի 34-104 -րդ հոդվածի 2-րդ մասի 6-րդ կետի՝ շատերի կյանքի համար վտանգավոր եղանակով սպանության փորձը եւ ՔՕ 235 -րդ հոդվածի 1-ին կետի՝ ապօրինի կերպով զենք–զինամթերք ձեռք բերելը, պահելը հոդվածների հատկանիշներով: Գործի շրջանակներում կալանավորվել են Շիրակի մարզի բնակիչներ 56-ամյա Արթուր Մխիթարյանը, 53-ամյա Պետրոս Էլբակյանը եւ 45-ամյա Ջեմսիկ Մարտիրոսյանը։

 Եւս երկու անձ էլ կալանավորված է պայթյունի դեպքի վայրից Մելիք Մանուկյանի մեքենան հեռացրելու համար։ Մելիք Մանուկյանն այս գործով ունի տուժողի կարգավիճակ։

 

Տպել
Կարդացեք նաև
Ամբողջը
Խոշոր վթար Լոռու մարզում․ կան վիրավորներ․ փախուստի դիմած վարորդը եղել է խմածության ամենաբարձր աստիճանի (ֆոտո)
Վթարից հետո BMW-ի վարորդ Պ. Մելքոնյանը դեպքի վայրից դիմել է փախուստի, սակայն․․․
Պաշտոնեական կեղծիքի գործով Ռուբեն Հայրապետյանի նկատմամբ քրեական հետապնդումը դադարեցվել է. գործն ուղարկվել է դատարան.ՔԿ
Քննությամբ ձեռք բերված փաստական տվյալների համաձայն՝ Արմավիր համայնքի նախկին ղեկավարը, նրա տեղակալը, օգնականը, համայնքապետարանի...
Հրդեհ է բռնկվել Արին Բերդի փողոցում պոլիէթիլենային տոպրակների երկրորդական հումքի մշակման արտադրամասում
Հայաստանի ԱԻՆ-ում, այսօր դեկտեմբերի 3-ին, ժամը 03:55-ին Ճգնաժամային կառավարման ազգային կենտրոն ահազանգ է ստացվել...
Մահացել է Ֆրանսիայի նախկին նախագահ Ժիսկար դ՛Էսթենը
Նրա մահվան պատճառն է COVID-19 հիվանդությունը․․․
ՊԵԿ-ը բացահայտել է թմրամիջոցների մաքսանենգության հերթական դեպքը
Միջազգային սուրհանդակային առաքանիից հայտնաբերվել է «ԼՍԴ» տեսակի թմրամիջոց…
19-ամյա երիտասարդի սպանության մեղադրանքով կալանավորվել է համագյուղացին
Քրեական գործով իրականացված անհետաձգելի քննչական եւ դատավարական այլ գործողությունների, ինչպես նաեւ՝ օպերատիվ-հետախուզական միջոցառումների…
Ամենաշատ