News
Լրահոս
News
Երկուշաբթի
Սեպտեմբեր 23
USD
476.26
EUR
522.98
RUB
7.44
ME-USD
0.08
Տեսնել լրահոսը

Հայաստանի նման փոքր երկրի համար լեռնային արդյունաբերությունը չարիք է: Այս մասին NEWS.am-ի հետ զրույցում՝ մեկնաբանելով Ամուլսարի ոսկու հանքի շահագործման մշակման շուրջ իրավիճակը, ասել է բնապահպան, նախկինում բնապահպանության եւ շրջակա միջավայրի նախարար Կարինե Դանիելյանը:

Փորձագետը կրկին ընդգծել է, որ որպես «ապացույց» ներկայացված փորձաքննությունն ամբողջական չէ եւ ըստ էության՝ ոչ միանշանակ: Կարինե Դանիելյանը նշել է, որ փաստացի փորձաքննություն չի անցկացվել, այլ ուսումնասիրվել են նախկինում հենց «Լիդիան»-ի եւ բնապահպանության նախարարության կողմից անցկացված հետազոտությունները: Սակայն նույնիսկ այդ փորձաքննությունը չի խոսում ռիսկերի բացակայության մասին:

«Իսկապես, փորձաքննությունն այնպես է ներկայացվել, որ ամեն ինչ կախված է նրանից, թե ով ինչպես է այն պատկերացնում: Սակայն պարզ է՝ առկա թերությունների դեպքում հանքի շահագործումն անթույլատրելի է»,- նշել է Դանիելյանը:  

Նրա խոսքով՝ առաջարկված պայմաններում հանքի մշակումը հղի է հանրապետական նույնսկ տարածաշրջանային մասշտաբի աղետով: «Հայաստանի նման փոքր երկրի համար լեռնային արդյունաբերությունը չարիք է: Նայեք Կապանում, Ալավերդիում, Սոթքում նման գործունեության արդյունքները, Մասրիկ գետում ծանր մետաղների մեծ քանակությունը»,- պնդել է բնապահպանը՝ նշելով, որ գենետիկայի ամբիոնը ձկների մուտացիա է հայտնաբերել, եւ, ենթադրաբար, դա ծանր մետաղների կոնցենտրացիայի արդյուքն է:

Մեկնաբանելով Ամուլսարում ոսկու պաշարների անհասկանալի «աճը»՝ ԽՍՀՄ ժամանակներից ի վեր 17 տոննայից մինչեւ 70 տոննա՝ «Լիդիան»-ի տվյալներով, բնապահպանը նշել է, որ, իսկապես, հասկանալի չէ ընկերության համառությունը:

«Միգուցե լեռան անվանումն է ինչ-որ բան հուշում (ամուլ՝ չբեր): Միգուցե ընկերության շահը ոսկին չէ»,- հարց է ուղղել բնապահպանը:

«Սակայն հստակ է, որ նման մասշտաբի մշակումը չի կարող չանդրադառնալ գրունտային ջրերի վրա: Պատկերացրեք, գրունտային ջրերը մութ սենյակի նման է, մենք կարող ենք միայն գուշակել պատճառահետեւանքային կապը: Սակայն պարզ է մի բան՝ փոխկապակցվածություն կա»,- հավելել է Կարինե Դանիելյանը:

Հիշեցնենք, որ օրերս ներկայացվեցին Ամուլսարի հարցով փորձաքննության արդյունքները, ինչը բնապահպանների շրջանում զայրույթ առաջացրել: Այսօր տեղի է ունեցել Ամուլսարնի մշակման դեմ շարժման ակտիվիստների հետ ՀՀ վարչապետ Նիկոլ Փաշինյանի հանդիպումը: Հանդիպման արդյունքներով՝ ակտիվիստները հայտնել են, որ Փաշինյանը կողմ է Ամուլսարի մշակմանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Եթե իրենք լավ փնտրեն, անպայման գտնելու են, որ հանքի շահագործումը աղետ է. բնապահպան
Նա նշեց, որ առժամանակ դադարեցրել են ակցիաները եւ սպասում են Կառավարության հետագա քայլերին…
Գնդեւազում ծեծկռտուքի մասնակից Ամուլսարի 3 պաշտպանների կալանքը կանխակալ եւ խտրական վերաբերմունք է. «Սասնա ծռեր»
Ոչ մեկի համար գաղտնիք չէ, որ տասնամյակներ շարունակ մեր ժողովրդին կեղեքած եւ պետությունը քայքայած, անգամ պետական դավաճանություն եւ/կամ սպանություն...
Ջերմուկցիների նկատմամբ իրականացվում են անհամաչափ պատժիչ գործողություններ. հայտարարություն
Ամիսներ շարունակ ականատես ենք լինում, թե ինչպես են ոստիկանությունն ու դատական մարմինները անհամաչափ պատժիչ գործողություններ կիրառում Ջերմուկ...
«Քանի կանք, ոչ մի հանք», «Մենք ենք մեր սարերը» կարգախոսներով ակցիա վարչապետի կեցավայրի մոտ (ֆոտո)
Ակցիայի մասնակիցները ձեռքներին ունեցել են պաստառներ...
Ամուլսարի հանքի շահագործմանը փայլուն եմ վերաբերվում. Խաչատուր Սուքիասյան
Կա՛մ էնպես անի, որ հետո Ամուլսարը իրեն պատվերներ տա, կա՛մ մեր պետությանը ցանկությունների շրջանակ, որ պետությունը ստիպված լինի եւս երկրորդ կամ երրորդ պատվերն իրենց տա...
Չեմ կարծում, թե կառավարությունը Ամուլսարի շահագործման մասով արդեն ունի որոշում. Մհեր Գրիգորյան
Բնականաբար կան որոշակի դրական տնտեսական էֆեկտներ, չեն կարող չլինել, բայց նորից եմ ասում, միայն տնտեսական մասը նայել եւ դրա հիման վրա որոշում կայացնելը բավարար չէ...