Դեկտեմբերի 4-ին նշվում է շատ հետաքրքիր եւ յուրահատուկ տոն, որը նվիրված է գալիք Նոր տարուն։ Դա Նվերներ պատվիրելու եւ Ձմեռ պապին նամակ գրելու օրն է՝ բոլոր նրանց համար, ովքեր հավատում են այդ ձմեռային հրաշագործին եւ անհամբեր սպասում են Ամանորին։
Սովորաբար հենց դեկտեմբերի 4-ին են աշխարհի շատ երկրներում փոստերը սկսում Ձմեռ պապին նամակներ ուղարկելու ծառայությունների մատուցումը, կամ բացվում են հատուկ փոստային բաժանմունքներ, որտեղից բոլոր երեխաները եւ նրանց ծնողները կարող են երկար սպասված նվերի ակնկալիքով նամակներ ուղարկել, եւ դրանք անպայման կհասնեն ճերմակահեր հրաշագործին։