News
Լրահոս
News
Ուրբաթ
Օգոստոս 07
USD
485.18
EUR
575.37
RUB
6.62
ME-USD
0.02
Տեսնել լրահոսը

Հայաստանում գործող հազարավոր ձեռնարկությունների նման Չարենցավանում գործող սպորտային հագուստի արտադրությամբ զբաղվող «Լաքի Տրիո» ընկերությունը նույնպես կորոնավիրուսի հետևանքով լուրջ դժվարություններ է կրում։

NEWS.am–ի հետ զրույցում ընկերության տնօրեն Զեփյուռ Ղլեջյանը հայտնեց, որ համավարակի տարածմամբ պայմանավորված սպորտային միջոցառումներ չեն իրականացվում, ինչի հետևանքով չեղարկվել են սպորտային հագուստի պատվերները, արդյունքում ստիպված է եղել աշխատանքից ազատել աշխատակիցների մեծ մասին, ինչպես նաև  խնդիրներ են առաջացել տարածքի վարձակալության վճարների և վարկային պարտավորությունների կատարման հետ կապված։

Թեև հագուստի արտադրությունը կորոնավիրուսի տնտեսական հետևանքների չեզոքացման ութերորդ միջոցառման շրջանակներում կառավարության՝ դեռևս մարտի 30–ի որոշմամբ համարվել է տուժած ոլորտ, սակայն ընկերության աշխատակիցները մինչ օրս պետությունից չեն ստացել որոշմամբ սահմանված միանվագ դրամական աջակցությունը։ Էլեկտրոնային եղանակով մերժում ստանալուց հետո ընկերությունը դիմել է ՊԵԿ–ին, որտեղից սակայն հայտնել են, որ ընկերության գործունեությունը չի հանդիսանում տուժած ոլորտ, այդ իսկ պատճառով «Լաքի Տրիո» ՍՊԸ–ի վերաբերյալ տվյալները չեն տրամադրվել Սոցիալական ապահովության ծառայությանը։

Իսկ արդեն հաջորդ հարցմանն ի պատասխան, ՊԵԿ հարկային վարչարարության կազմակերպման, դիտարկման և հսկողության վարչությունից Ղլեջյանին հայտնել են, որ ընկերությունը վերջին հարկային հաշվարկում  տնտեսական գործունեության տեսակների դասակարգչի սխալ կոդ է նշել։ Նշենք, որ մայիսի 3–ին, երբ հայտնի դարձավ, որ հակաճգնաժամային 8-րդ ծրագրում արված փոփոխությունների համաձայն տուժած ոլորտների ցանկն ընդլայնվել է, հայտարարվեց, որ նախկինում սխալ լրացված տնտեսական գործունեության տեսակի դասակարգիչները հնարավոր է ուղղել մինչև մայիսի 5-ը:

NEWS.am–ի հետ զրույցում արտադրամասի սեփականատերը հայտնեց, որ տեխնիկական վրիպակի մասին ՊԵԿ–ը կարող էր տեղյակ պահել իր առաջին դիմումի ժամանակ, մանավանդ որ նախորդ հաշվետվություններում ճիշտ կոդն է նշված եղել, ինչից  հետո իրենք կհասցնեին թերությունը շտկել և մինչև մայիսի 5–ը նոր դիմում մուտքագրել համակարգ։

Ղլեջյանը հույս ունի, որ կառավարությունը ժամկետների խախտումը կհամարի հարգելի և հնարավորություն կտա շահառուներին օգտվել սոցիալական աջակցության ծրագրից։

Խնդրի առնչությամբ ձեռնարկատերը դիմել է նաև ԱԺ «Իմ քայլը» խմբակցության պատգամավոր, իրավաբան Նիկոլայ Բաղդասարյանին, որը խոստացել է ընթացք տալ հարցին, սակայն նրան ևս չի հաջողվել միջնորդել, որպեսզի վերանայվի Ղլեջյանի դիմումի ժամկետները։ Արդյունքում մարտից աշխատանքից զրկված կարի արհեստավորները որևէ աջակցություն չեն ստացել և հայտնվել են սոցիալական ծանր վիճակում։

Խնդրի առնչությամբ Պետական եկամուտների կոմիտեից NEWS.am–ին հայտնեցին, որ կառավարության որոշմամբ սահմանված կարգով տուժած ոլորտի հարկ վճարողների ցանկը նույնականացնելիս ՊԵԿ-ը գործել է բացառապես իրավական ակտերով սահմանված դրույթներին համապատասխան և որևէ իրավասություն չունի տվյալ դեպքում այլ` խտրական, մոտեցում ցուցաբերելու:

«Տուժած ոլորտի հարկ վճարողների ցանկը նույնականացնելիս «ԼԱՔԻ ՏՐԻՈ» ընկերությունը չի հայտնվել դրանում, քանի որ  2020 թվականի ապրիլի 1-ը ընկած վերջին հաշվետու ժամանակաշրջանի համար ապրիլի 1-ի դրությամբ ներկայացված հարկային հաշվարկում ընկերությունը սխալ է հայտարարագրել տնտեսական գործունեության դասակարգիչը: Այդ մասին ընկերությունը տեղեկացել է ապրիլի 30-ին ՊԵԿ–ին ուղղված գրավոր հարցմանն ի պատասխան:  Ավելին, հարկ վճարողների բազմաթիվ խնդրանքների արդյունքում (առ այն, որ բազմաթիվ էին դեպքերը, որ հարկ վճարողները սխալ են հայտարարագրել դասակարգիչները) ՀՀ կառավարությունը գնաց ընդառաջ` ՀՀ կառավարության որոշման մեջ կատարելով համապատասխան փոփոխություն և հնարավորություն տրվեց հարկ վճարողներին մինչև մայիսի 5-ը ներառյալ ուղղել սխալները: Սակայն «ԼԱՔԻ ՏՐԻՈ» ընկերությունը չի օգտվել ճշտում կատարելու իր հնարավորությունից և ապրիլի 30-ից մինչեւ 2020 թվականի մայիսի 5-ը չի ուղղել իր սխալը: Արդյունքում կրկին վերհանված ցանկում չի հայտնվել: Վերջինս սխալի ուղղում կատարել է միայն 2020 թվականի մայիսի 11-ին»,–ասված է NEWS.am–ին ուղարկված պատասխանում։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Լոս Անջելեսի իշխանությունները կանջատեն ջուրն ու էլեկտրականությունը տներում, որտեղ մեծ երեկույթներ են անցկացվում
Բեւեռախույզներին կարանտինի կուղարկեն՝ պահպանելու որպես առանց կորոնավիրուսի միակ մայրցամաք Անտարկտիդայի կարգավիճակը
Ամեն տարի հետազոտությունների համար Անտարկտիդա է մեկնում մոտ 3000 գիտնական...
Թայվանում «ոչ մի տեղ» չվերթների բոլոր տոմսերը 5 րոպեում գնել են
Թռիչքի ուղեւորներին Michelin ռեստորանի ճաշատեսակներ կառաջարկվեն․․․
Գիտնականներն «իդեալական ռազմավարություն» են գտել կորոնավիրուսի դեմ պայքարի համար
Կորոնավիրուսի տարածմանն իդեալական պատասխան կլիներ Նոր Զելանդիայում թեստավորման քաղաքականության, Դանիայում դպրոցների բացման մոտեցման եւ Ուգանդայի տեղեկատվական ռազմավարության համադրությունը...
Պատվաստանյութային ազգայնականությունը վատ է, այն մեզ չի օգնի. ԱՀԿ գլխավոր քարտուղար
«Պատվաստանյութերի կամ այլ գործիքների համատեղ օգտագործումը կօգնի աշխարհին վերականգնվել...
Goldman Sachs-ը խառնաշփոթ է կանխատեսել շուկաներում COVID-ի դեմ պատվաստանյութի պատճառով
Բանկում կարծում են, որ պատվաստանյութը կարող է նպաստել եկամտի ավելի կտրուկ կորով ընկերություններին եւ վտանգի տակ դնել տեխնոլոգիական ոլորտի ընկերությունների առաջատարությունը...