Հոկտեմբերի 8-ին Ադրբեջանի կողմից Շուշիի Ղազանչեցոց եկեղեցու հրթիռակոծության հետևանքով վիրավորված ռուսաստանցի լրագրող Յուրի Կոտյոնոկին անջատել են արհեստական շնչառության ապարատից: Այս մասին NEWS.am-ի հետ զրույցում ասաց «Էրեբունի» բժշկական կենտրոնի հասարակայնության հետ կապերի բաժնի պետ Շուշան Հունանյանը։
«Նա գիտակցության է եկել: Բժիշկները նրա վիճակը գնահատում են ծանր կայուն»,- ասաց Հունանյանը
Հիշեցնենք, որ հրթիռակոծության հետևանքով վիրավորվել էր 3 ռուս լրագրող։ Յուրի Կոտյոնոկի վիճակը ծայրահեղ ծանր էր գնահատվում, մյուս երկուսինը՝ ծանր։ Նրանց հոկտեմբերի 9-ին սանավիացիայի ուղղաթիռով տեղափոխել էին Երևան՝ «Էրեբունի» բժշկական կենտրոն։ Համեմատաբար կայուն վիճակում գտնվող 2 վիրավորներին նախօրեին Ռուսաստանի կառավարական պատվիրակության հետ տեղափոխեցին Մոսկվա։ Յուրի Կոտյոնոկը բեկորային վնասվածքներ էր ստացել որովայնի, կրծքավանդակի և ստորին վերջույթների շրջանում։