Շաբաթ աշխարհում կորոնավիրուսով վարակման դեպքերի թիվը գերազանցել է 75 միլիոնը՝ հաղորդում է Reuters-ը:
Դեկտեմբերին Մեծ Բրիտանիան դարձել էր առաջին արեւմտյան երկիրը, որտեղ սկսվել էր COVID-19-ի դեմ պատվաստանյութի իմունիզացիան, որի պատվաստանյութը մշակվել էր Pfizer եւ BioNtech ընկերությունների կողմից, ինչից հետո ԱՄՆ-ում հաստատել էին Moderna ընկերության ստեղծած պատվաստանյութի արտակարգ կիրառումը:
Նոյեմբերին կորոնավիրուսով վարակման դեպքերի թիվը գերազանցել էր 18,65 միլիոնը, որն ամենաբարձր ցուցանիշն էր 30 օրվա կտրվածքով համավարակի ամբողջ ընթացքում:
Եվրոպան շարունակում է մնալ կորոնավիրուսով ամենամեծ թվով վարակվածներ ունեցող տարածաշրջանը՝ 21.6 մլն մարդ: Այնուհետեւ Հյուսիսային Ամերիկան է՝ 17,9 մլն, Հարավային Ամերիկան՝ 14,5 մլն եւ Ասիան՝ 13 մլն վարակակված:
Միայն վերջին հինգ օրվա ընթացքում Եվրոպայում գրանցվել է շուրջ 1 մլն դեպք: Ընդ որում՝ Ռուսաստանում եւ Ֆրանսիայում գրանցվել է ավելի քան 2-ական միլիոն դեպք համավարակի առաջին օրից ի վեր: Մեծ Բրիտանիայում եւ Իտալիայում հայտնաբերվել է 1,9-ական միլիոն դեպք:
Երկուշաբթի ԱՄՆ-ն դարձել էր աշխարհում առաջին երկիրը, որտեղ համավարակի ամբողջ ընթացքում գրանցվել է ավելի քան 300 000 հազար մահվան դեպք: Երկրում կորոնավիրուսի հետեւանքով ամեն օր մահանում է ավելի քան 2 500 մարդ՝ ըստ վերջին 7 օրվա ընթացքում գործակալության տվյալների:
Ընդ որում՝ նշվում է, որ հիվանդանոցներում սկսել են Pfizer եւ BioNtech ընկերությունների ստեղծած դեղամիջոցով պատվաստումները:
