ՀՀ վարչական դատարանի 03․01․2024թ-ի և ՀՀ Երևան քաղաքի առաջին ատյանի ընդհանուր իրավասության քաղաքացիական դատարանի 05․01․2024թ․ որոշումների հիման վրա համապատասխանաբար՝ կասեցվել է վարչական ակտի /շինարարության թույլտվութան/ կատարումը և կիրառվել է հայցի ապահովման միջոց՝ արգելվել է կառուցապատող Արգամ Հովհաննիսյանին Երևանի, Եկմալյան 6/3 հասցեում կատարելու հասարակական օբյեկտի կառուցման շինարարական աշխատանքներ։ Այս մասին NEWS.am-ը տեղեկանում է «Օրրան» բարեգործական կազմակերպությունից:
«Այսօրվա՝ 15․04․2024թ․ դրությամբ նշված դատական ակտերը երկուսն էլ ուժի մեջ են և հարուցված են կատարողական վարույթներ, մինչդեռ կառուցապատողը իրականացնում է շինարարական աշխատանքներ, անտեսելով ՀՀ օրենսդրության պահանջները և չկատարելով դատարանների որոշումները, ինչը քրեորեն պատժելի արարք է։
Ցանկանում ենք պատկառ մարմինների՝ ՀՀ հարկադիր կատարման ծառայության, ՀՀ ՆԳՆ Ոստիկանության, ՀՀ քննչական կոմիտեի և Երևանի քաղաքապետարանի ուշադրությունը հրավիրել այս հանգամանքին՝ միջոցներ ձեռնարկելու օրենսդրության պահանջի՝ դատական ակտի կատարումը ապահովելու և իրավախախտում կատարած անձին /անձանց/ պատասխանատվության ենթարկելու համար»,-ասված է «Օրրանի» հայտարարության մեջ:
