նախընտրելի դարձնելԹիվ 19 ընտրատարածքում մեծամասնական ընտրակարգով առաջադրված Հակոբ Հակոբյանը («Ճոյտ») պատրաստ է ընդունել Հայ ազգային կոնգրեսի թեկնածու, իր մրցակից Սարգիս Քոչարյանի բանավիճելու հրավերը, եթե բանավեճի ձեւաչափը, տեղը եւ ժամանակը հարմար լինի իրեն։ Այս մասին NEWS-ի թղթակցի հետ զրույցում ասաց Հակոբ Հակոբյանը։
«Ես պատրաստ եմ բանավիճել ՀՀ յուրաքանչյուր քաղաքացու հետ՝ ցանկացած հարցի շուրջ»,- ասաց նա՝ հավելելով, որ հրավիրողը պետք է ասի տեղը եւ ժամը, որպեսզի ինքը կարողանա պլանավորել իր գործերը։
Նշենք, որ Հայ ազգային կոնգրեսի կողմից թիվ 19 ընտրատարածքում մեծամասնական ընտրակարգով առաջադրված թեկնածու Սարգիս Քոչարյանը բանավեճի է հրավիրել իր մրցակիցներին:
Այդ ընտրատարածքում առաջադրվել են նաեւ անկուսակցական Թոռնիկ Գեւորգյանը, Հակոբ Ռաֆիկի Հակոբյանը, Հակոբ Վարշամի Հակոբյանը, Սեդրակ Ֆիրդուսի Սարոյան (վերջինիս սատարում է ՀՀԿ-ն): Aravot.am-ի հետ զրույցում Սարգիս Քոչարյանը նշել էր, որ չորս հանրապետականի հետ է մրցում՝ ակնարկելով նաեւ, որ հանրապետական Հակոբ Հակոբյանն էլ խաղի մեջ է մտել՝ ՀԱԿ-ից ու ՀԱԿ-ի թեկնածուից ձայներ փախցնելու համար:
