նախընտրելի դարձնել
Չի բացառվում, որ ապագայում Եվրամիությունն ավելի գործուն աջակցություն ցուցաբերի Ուկրաինային՝ կիբերհարձակումների և ապատեղեկատվության դեմ պայքարում։ Բրյուսելն արդեն ունի նմանատիպ փորձ. անցյալ տարի այն կիրառվել է Մոլդովայի խորհրդարանական ընտրությունների ժամանակ։ Նույնը նախատեսվում է անել նաև այս տարի Հայաստանում, որտեղ կհաստատվի ԵՄ նոր առաքելությունը։ Առաքելության նպատակն է «հակազդել ռուսական կողմի գործողություններին», հայտնում է «Ազատություն» ռադիոկայանը (RFE/RL)։
Այս շաբաթը հագեցած է Հայաստանին առնչվող նորություններով։ Ապրիլի 28-ին Եվրախորհրդարանում մեկնարկել են Հայաստանի վերաբերյալ քննարկումները։ Մի քանի օրից խորհրդարանը նաև կքվեարկի Երևանին սատարող բանաձևի օգտին, իսկ արդեն հաջորդ շաբաթվա սկզբին Եվրոպական քաղաքական համայնքի գագաթնաժողովի շրջանակում երկիրը կհյուրընկալի եվրոպական պետությունների մեծ մասի առաջնորդներին, ինչից հետո կկայանա ԵՄ-Հայաստան առաջին գագաթնաժողովը։
