ԱՄՆ նախագահ Դոնալդ Թրամփը Օվալաձև աշխատասենյակում լրագրողների հետ զրույցում հայտարարել է, թե չի կարծում, որ Իրանի դեմ պատերազմը «շատ ավելի երկար» կտևի, սակայն ընդգծել է, որ առաջիկա միջանկյալ ընտրությունները չեն ազդում հակամարտության վերաբերյալ իր դիրքորոշման վրա, հայտնում է Associated Press-ը:

«Դա էական չէ: Եվ ընտրություններն ինձ վրա չեն ազդում», — ասել է Թրամփը՝ հավելելով, որ ինքն անձամբ չի առաջադրվելու:

«Ես չեմ մասնակցում ընտրություններին: Բայց իմ կուսակցությունը մասնակցում է, և ես պատրաստվում եմ աջակցել իմ կուսակցությանը», — հայտարարել է ԱՄՆ նախագահը:

Միևնույն ժամանակ նա նկատել է, որ, իր կարծիքով, հանրապետականները պաշտպանում են իր դիրքորոշումը, քանի որ ԱՄՆ վարչակազմը «թույլ չի տալիս Իրանին միջուկային զենք ստանալ»:

Թրամփը բազմիցս հերքել է այն ենթադրությունները, թե աճող քաղաքական ճնշումն ու միջանկյալ ընտրությունների մոտենալը կարող են ստիպել իրեն հասնել Իրանի հետ պատերազմի շուտափույթ ավարտին:

Այդուհանդերձ, նախագահի ներկայիս հայտարարությունները հակասում են նրա ավելի վաղ արված պնդումներին: Ելույթ ունենալով սենատոր Դարլին Գրեհեմի աջակցության հանրահավաքում (որը հետագայում հաղթեց ընտրությունների երկրորդ փուլում)՝ Թրամփը կոչ էր անում ընտրողներին․ «Խնդրում եմ պատկերացրեք, որ ես քվեաթերթիկում եմ»: