նախընտրելի դարձնելՀունիսի 26-ին, ժամը 05.00-ի սահմաններում, Կապան-Երեւան ճանապարհի 8-րդ կմ-ին «ՎԱԶ-21063» մակնիշի ավտոմեքենա է դուրս եկել ճանապարհի բանուկ մասից եւ բախվել ծառին, ինչի հետեւանքով ուղեւորը մարմնական վնասվածքներով տեղափոխվել է հիվանդանոց:
Ոստիկանության լրատվության վարչությունից հայտնում են, որ հունիսի 26-ին, ժամը 14.30-ի սահմաններում, Վանաձոր քաղաքի Չուխաջյան փողոցի թիվ 32 շենքի մոտ «ՎԱԶ-2106» մակնիշի ավտոմեքենա է շրջվել:
Վարորդը եւ ուղեւորը մարմնական վնասվածքներով տեղափոխվել են հիվանդանոց:
Հունիսի 26-ին, ժամը 18.30-ի սահմաններում, Արտաշատ քաղաքի հիվանդանոցի մայթեզրին կայանված վիճակից հետընթաց կատարելիս «ՎԱԶ-21110» մակնիշի ավտոմեքենան բեռնախցիկի մասով դիպել է Արփի գյուղի մի բնակչուհու: Վարորդը աջ նախաբազկի փափուկ հյուսվածքի սալջարդ ստացած կնոջը տեղափոխել է հիվանդանոց:
Հունիսի 26-ին, ժամը 22.30-ի սահմաններում, Գարեգին Նժդեհի փողոցի թիվ 30 շենքի մոտ իրար են բախվել «ՎԱԶ-21102-119», «Մերսեդես-Բենց» եւ «Դեու-Նեքսիա» մակնիշի ավտոմեքենաներ: «ՎԱԶ-21102-119»-ի եւ «Մերսեդես-Բենց»-ի վարորդները մարմնական վնասվածքներով բուժօգնության են դիմել հիվանդանոց:
Հունիսի 26-ին, ժամը 22.50-ի սահմաններում, Աշտարակ քաղաքի Սիսակյան եւ Նարեկացի փողոցների խաչմերուկում «ՎԱԶ-21102» մակնիշի ավտոմեքենա է դուրս եկել երթեւեկելի մասից եւ բախվել աջ հատվածում գտնվող քարե պարսպին, ինչի հետեւանքով ուղեւորը մարմնական վնասվածքներով տեղափոխվել է հիվանդանոց:
Հունիսի 27-ին, ժամը 01.00-ի սահմաններում, Տիգրան Մեծի պողոտայի թիվ 71 շենքի մոտ իրար են բախվել «Մերսեդես-Բենց C 180» եւ «Մերսեդես-Բենց E 320» մակնիշի ավտոմեքենաներ:
«Մերսեդես-Բենց C 180»-ի ուղեւորուհին մարմնական վնասվածքներով տեղափոխվել է հիվանդանոց:
Հունիսի 27-ին, ժամը 02.10-ի սահմաններում, Սպիտակ-Երեւան ճանապարհի 4-րդ կմ-ին «Մերսեդես» մակնիշի ավտոմեքենա է դուրս եկել բանուկ մասից եւ բախվել ճամփեզրի ծառերին, ինչի հետեւանքով վարորդը եւ ուղեւորը մարմնական վնասվածքներով տեղափոխվել են հիվանդանոց:
Բոլոր դեպքերով կատարվում է քննություն:
