Գործազուրկների թիվը Հայաստանում աճում է, բարձրանում են նաև աշխատավարձերը

Հայաստանի Ազգային վիճակագրական ծառայության (ԱՎԾ) տվյալների համաձայն, 2009 թվականի առաջին վեց ամիսների կտրվածքով երկրում պաշտոնապես գրանցված գործազուրկների թիվը 2008 թվականի նույն ժամանակահատվածի համեմատ աճել է 10,3%-ով՝ կազմելով 84,1 հազար մարդ։ Այդ նույն ժամանակահատվածում աշխատավարձի մակարդակը բարձրացել է միջինը 12,7%-ով՝ հասնելով 98,138 դրամի։ Բյուջետային հիմնարկների աշխատավարձերն իրենց հերթին բարձրացել են 17,4%-ով՝ հասնելով 81,282 դրամի, իսկ ոչ բյուջետային կազմակերպությունների աշխատակիցներինը՝ 6,9%-ով՝ կազմելով համապատասխանաբար 122 579 դրամ։ Ինչպես հայտնել են ԱՎԾ-ից, 2009 թվականի հունիսին գործազուրկների թիվը մայիս ամսվա համեմատ աճել է 0,2%-ով։