նախընտրելի դարձնել
Հայաստանն ու Բելառուսը պետք է համակարգային հիմքի վրա դնեն առեւտրատնտեսական կապերը: Անտառտնտեսության նախարարությունում անցկացված առեւտրատնտեսական համագործակցության հարցերով Բելառուսա-հայկական միջկառավարական հանձնաժողովի 9-րդ նիստում նման տեսակետ է հայտնել Հայաստանի էկոնոմիկայի նախարար Տիգրան Դավթյանը: Այդ մասին «ԲԵԼՏԱ»-ի թղթակցին հայտնել է գերատեսչության մամուլի քարտուղար Ռուժենա Նովիցկայան:
Հանձնաժողովի աշխատանքը ղեկավարել են Բելառուսի անտառտնտեսության նախարար Միխայիլ Ամելյանովիչը եւ Հայաստանի էկոնոմիկայի նախարար Տիգրան Դավթյանը: Միխայիլ Ամելյանովիչը նշել է, որ վերջին տարիներին բելառուսա-հայկական համակողմանի համագործակցությունը դինամիկ զարգանում է, ինչի համար ազդակ է ծառայում երկու երկրների ղեկավարության քաղաքական ակտիվ երկխոսությունը:
«Ութերորդ նիստի անցկացման պահից ի վեր հանձնաժողովում զգալի աշխատանք է կատարվել տնտեսական ոլորտում երկկողմ համագործակցությունը զարգացնելու ուղղությամբ: Այսպես, 2000- 2011թթ. ընթացքում երկու երկրների միջեւ ապրանքաշրջանառությունն աճել է 14 անգամ՝ 2,3 մլն դոլարից մինչեւ 32,4 մլն դոլար», - նշել է նախարարը: Միաժամանակ, փոխադարձ առեւտրի ծավալը կարող է ավելի մեծ լինել: Առկա տնտեսական ներուժը, ըստ Միխայիլ Ամելյանովիչի, առայժմ ամբողջ հզորությամբ չի օգտագործվում:
Հայաստանի էկոնոմիկայի նախարարն իր հերթին ընդգծել է, որ Բելառուսը եւ Հայաստանն այժմ դինամիկ զարգանում են, մեծացնում արդյունաբերական, ֆինանսական եւ ներդրումների ներուժը: Քաղաքական բարձր մակարդակով լիակատար փոխըմբռնում կա: Տիգրան Դավթյանը նշել է, որ երկրներին անհրաժեշտ է առեւտրատնտեսական կապերը համակարգային հիմքի վրա դնել, որպեսզի համատեղ նախագծերը չլինեին մեկական կամ սահմանափակ, այլ՝ երկարատեւ, տնտեսական գործունեության լայն բնագավառներ ընդգրկող:
9-րդ նիստի օրակարգում 7 հարց է ընգրկվել՝ ինչպես հանձնաժողովի աշխատանքի, այնպես էլ երկու երկրների համագործակցության հիմնական ուղղությունների վերաբերյալ:
Բելառուսը Հայաստանի կարեւոր առեւտրային գործընկերն է, որն ԱՊՀ երկրների շարքում (Ռուսաստանից եւ Ուկրաինայից հետո) փոխադարձ առեւտրի ծավալիառումով 3-րդ տեղում է: 2012 թվականի հունվար-օգոստոս ամիսներին երկու երկրների արտաքին ապրանքաշրջանառությունը կազմել է 28,4 միլիոն դոլար եւ 2011 թվականի նույն ժամանակահատվածի համեմատավելացել է 60,6%-ով, արտահանումը`24,1 միլիոն դոլար (ավելացել է 57,2%-ով), ներկրումը`4,3 միլիոն դոլար (ավելացել է 82,5%-ով):
Բելառուսից Հայաստան են արտահանվում անվադողեր, բեռնատար մեքենաներ, կաթ եւ կաթնամթերք, դեղորայք, մեքենաների եւ տրակտորների ավտոպահեստամասեր եւ սարքավորումներ: Բացի դրանից, Հայաստանում ձեւավորվել է բելառուսական ձեռնարկությունների առեւտրաբաշխման ցանց (25 սուբյեկտ): 3 ձեռնարկություններ են բացվել բելառուսական կապիտալի մասնակցությամբ: Հայ-բելառուսական «Ար-Բե» առեւտրի տանը ներկայացված է բելառուսական 10 հազար անուն արտադրանք:
Հայկական ներկրման հիմքն են կազմում ոգելից թունդ խմիչքները, դեղորայքը եւ ծխախոտային արտադրանքը:
2012 թվականի հուլիսին Մինսկում բացվել է հայկական կոնյակի համատեղ արտադրություն: Այժմ աշխատանք է տարվում Բելառուսի մայրաքաղաքում հայկական առեւտրի տուն բացելու ուղղությամբ:
Ընդ որում, կողմերը հաստատել ե, որ երկու երկրների առեւտրատնտեսական հարաբերություններն ավելի լայն կարող են լինել: Որոշում է կայացվել ակտիվացնել երկկողմ համագործակցությունը արդյունաբերական ոլորտում, կոոպերատիվ կապերի զարգացման եւ համատեղ ձեռնարկությունների ստեղծման ուղղությամբ: Այդ կապակցությամբ մի շարք նախարարությունների, գերատեսչությունների եւ շահագրգիռ կազմակերպությունների հստակ հանձնարարություններ են տրվել:
Ըստ նիստի արդյունքների` հանձնաժողովների բելառուսական եւ հայկական նախագահներ Միխայիլ Ամելյանովիչի եւ Տիգրան Դավթյանի կողմից ստորագրվել է համապատասխան արձանագրություն, որում ամրագրվել են հանդիպմանն ընդունված բոլոր որոշումները: Հանձնաժողովի հաջորդ նիստը կկայանա 2013 թվականի հոկտեմբերին Երեւանում:
