Եգիպտոսի գլխավոր դատախազ Թալաատ Իբրահիմը, ով երկու օր առաջ հրաժարական էր  ներկայացերլ, այսօր փոխել է իր միտքը եւ  հայտարարել պաշտոնին մնալու մասին: Նա դիմել է Դատավորների գլխավոր խորհրդին` այդ հարցը քննարկելու խնդրանքով:

Իբրահիմը հրաժարականի մասին դիմում էր ներկայացրել դեկտեմբերի 18-ին`  դատավորների եւ դատախազության աշխատակիցների կողմից նրա նշանակումը չընդունելու համատեքստում: Շուրջ 600 մարդ նրա գրասենյակի առջեւ գործադուլ էր հայտարարել` բողոքելով նրա նշանակման սկզբունքի դեմ: Մինչեւ վերջերս գործող կանոնակարգի համաձայն`  գլխավոր դատախազն ընտրվում էր Դատավորների բարձրագույն խորհրդի կողմից:  Սակայն նախագահ Մուհամեդ Մուրսին հայտարարել էր, որ այսուհետ դատախազին կնշանակի նախագահը` չորս տարի ժամկետով: Հնեց դա էլ առաջացրել էր ոլորտի աշխատողների դժգոհությունը: