նախընտրելի դարձնել
Մոսկվայի Կարմիր հրապարակում գտնվող Լենինի դամբարանի վերանորոգումը կսկսվի դեկտեմբերի 31-ին: Լենինի մարմինը Դամբարանից չի հանվի:
Դամբարանի վերանորոգման մասին օրերս հայտնել են Պահպանության դաշնային ծառայության ներկայացուցիչները: Այն ժամանակ տեղեկություն էր հայտնվել, որ վերանորոգման ընթացքում Լենինին այլ վայր կտեղափոխեն: Սակայն դեկտեմբերի 24-ին այդ տեղեկությունը հերքվել է, հաղորդում է «Նովիե իզվեստիան»:
Ըստ աղբյուրի` վերանորոգվելու են ստորգետնյա հաղորդուղիները, արտաքին եւ կրող կոնստրուկցիաները: «Դամբարանի սգո սրահը գրեթե չի վերանորոգվելու», - ասել է նա:
Ընդ որում, «ՌԻԱ Նովոստիի» տեղեկացմամբ՝ վստահեցրել են, որ «Վլադիմիր Լենինի աճյունի վիճակը ավելի քան բավարար է»:
«Ինտերֆաքսը» հայտնում է, որ վերանորոգման ընթացքում Լենինի դամբարանը այցելուների համար փակ կլինի:
