նախընտրելի դարձնելԿիրակի մահացել է Վնուկովոյում աղետի ենթարկված «Տու -204» օդանավի ուղեկցորդուհին, տեղեկացնում է «Red Wings» ավիաընկերությունը, որին պատկանում էր ինքնաթիռը: Այսպիսով, զոհերի թիվը հասել է հինգի:
Ընկերությունը նաեւ հերքել է այն լուրերը, թե օդանավում ութից ավելի մարդ է եղել, հաղորդում է «Վզգլյադը»:
«Աղետի ենթարկված օդանավում գտնվում էին միայն անձնակազմի 8 անդամները: Այդ թեմայով մնացած բոլոր լուրերը չեն համապատասխանում իրականությանը»,-ասվում է հաղորդագրության մեջ:
«Red Wings» ընկերությունը խոստացել է յուրաքանչյուր զոհվածի ընտանիքի վճարել 2 մլն ռուբլի, իսկ տուժածներին` մեկ միլիոն:
Ավելի վաղ զոհերի ընտանիքներին 1 մլն ռուբլու փոխհատուցում հատկացնելու մասին հայտարարել էր Մոսկվայի քաղաքապետարանը:
