նախընտրելի դարձնել
Կալիֆոռնիա նահանգի Տաֆտա քաղաքի դպրոցում կրակոցների հերթական դեպքն է արձանագրվել:
Կրակոցներն արձակել է 16-ամյա աշակերտը, որի անունը չի հաղորդվում: Տուժել է երկու մարդ, որոնցից մեկը հրազենային ծանր վնասվածքներով տեղափոխվել է հիվանդանոց: Դեպքի վայր է ժամանել ոստիկանությունը:
Դպրոցի աշխատակիցները կարողացել են համոզել հանցագործին, որ հանձնվի ոստիկանությանը: Իրավապահ մարմինների աշխատակիցները մեկուկես ժամ խուզարկել են դպրոցը` որոնելով հրաձիգի հնարավոր համախոհների: Երեխաները տարհանվել են դպրոցից: Կատարվածի մասին առաջին լուրերից հետո քաղաքում խուճապ է սկսվել, գրում է «Կոմսոմոլսկայա պրավդան»:
Մեկ ամիս առաջ Ամերիկայի Նյու Թաուն քաղաքի դպրոցում հանցագործը հրաձգության էր ենթարկել 5-10 տարեկան 20 դպրոցականների եւ յոթ մեծահասակների: Կատարվածը նախագահին ստիպել էր երկրում զենքի վերահսկման խստացում պահանջել:
