նախընտրելի դարձնել
Արտերկրում հայկական պատմամշակութային հուշարձանների պահպանության աշխատանքները կշարունակվեն: Այս մասին հունվարի 25-ին հայտարարեց Հայաստանի նախագահ, նախագահի թեկնածու Սերժ Սարգսյանը` Շենգավիթի վարչական շրջանի ընտրողների հետ հանդիպմանը:
Նրա խոսքով` այդ ուղղությամբ աշխատանքներն իրականացվում են երկկողմ եւ բազմակողմ ձեւաչափով. երկրորդը ենթադրում է աշխատանք միջազգային տարբեր կազմակերպությունների շրջանակում: Միաժամանակ երկրի ղեկավարն արձանագրեց, որ ատերկրում հուշարձանների պահպանությունը բարդագույն խնդիրներից է: «Մենք արտերկում պատմամշակութային շատ հուշարձաններ ունենք: Եւ մեծ մասամբ դրանք գտնվում են այն պետությունների տարածքում, որոնք առանձնապես բարեկամաբար չեն տրամադրված մեր նկատմամբ»,-նշեց Ս. Սարգսյանը: Միաժամանակ նա ասաց, որ աշխատանքները կշարունակվեն` անկախ դժվարություններից:
