նախընտրելի դարձնել
2012 թ. Երեւանի փայլաթիթեղագլանման ԱՐՄԵՆԱԼ գործարանը (մտնում է ալյումինի աշխարհում խոշորագույն արտադրող ՌՈՒՍԱԼ ընկերության կազմի մեջ) թողարկեց 26 264 տոննա արտադրանք, որը 3,8%-ով ավելի է, քան 2011 թ. (25 314 տ): Այս մասին հաղորդում են գործարանի մամուլի ծառայությունից:
Սպառողներին առաքվել է 26 312 տոննա ալյումինի փայլաթիթեղ (աճը` 4,8%): Ձեռնարկությունը բեռնել է շուրջ 1800 արտահանման պատվերներ, որը 2,7% ավելի է, քան 2011 թ.: Հաշվետու տարվա արդյունքներով մեկ աշխատողին բաժին ընկնող արտադրանքն աճել է 5,5%, իսկ պատրաստի արտադրանքի թողարկման գործակիցն աճել է գրեթե 1 տոկոսով:
Ինչպես վկայում է Հայաստանի խոշորագույն ընկերությունների հաշվետվությունների վերլուծությունը, որ կատարվում է ՀՀ պետական եկամուտների կոմիտեի կողմից, ԱՐՄԵՆԱԼ-ը հաստատուն մտնում է առավել բարեխիղճ հարկատուների եւ արդյունավետ արտահանողների թվի մեջ: 2012 թ. գործարանը պետբյուջե մուծել է 1 մլրդ 641 մլն դրամ` ապահովելով այս ցուցանիշի աճը գրեթե 15%, իսկ սոցիալական ապահովության հանրապետական հիմնադրամին վճարել է 274,2 մլն դրամ (+ 6%):
Արտադրական ցուցանիշների աճն ուղեկցվում է աշխատավարձի բարձրացումով` շնորհիվ աշխատանքի վարձատրության կառուցվածքի կատարելագործման: Ներկայումս ԱՐՄԵՆԱԼ-ում աշխատում է շուրջ 700 մարդ, որոնց ամսական աշխատավարձը 2012 թ. կազմում էր 260 հազար դրամից ավելի, ինչը 10%-ով գերազանցում է 2011 թվականի համանման ցուցանիշը եւ գրեթե 2,2 անգամ բարձր է հայաստանյան միջին աշխատավարձից:
