նախընտրելի դարձնելNEWS.am-ը որոշակի կրճատումներով ներկայացնում է «Los Angeles Times»-ում հրապարակված` պարբերականի մոսկովյան թղթակից Սերգեյ Լոյկոյի հոդվածը.
Նրա գրքերը ամբոխն այրել է Ադրբեջանի մեծությամբ երկրորդ քաղաքում: Նրա կինն ու որդին զրկվել են աշխատանքից: Ամբոխը պահանջել է փորձել նրա արյունը` իրական էթնիկ պատկանելությունը պարզելու համար: Նախագահը նրան զրկել է «ժողովրդական գրող» կոչումից:
75-ամյա Աքրամ Այլիսլիի խոսքով` իր «Քարե երազներ» գրքի հրապարակումից հետո իր նկատմամբ վերաբերմունքը վեր է անգամ նրա սեփական գրական երեւակայությունից: Այն պահից ի վեր, երբ գրքի ռուսերեն թարգմանությունը լույս է տեսել Մոսկվայում հրատարակվող «Дружба народов» ամսագրում, Այլիսլիի կյանքը վերածվել է դժոխքի: Ամսագրի գրական խմբագիրը կասկածում է, որ Ալիեւն ու բողոքող ադրբեջանցիները կարդացել են գիրքը:
«Այս գիրքն առավել մարդասիրական կերպով փորձում է հետազոտել այնպիսի տգեղ երեւույթը, ինչպիսին է միջէթնիկական ատելությունը եւ, իհարկե, չունի այնպիսի բնութագրիչներ, որոնք նրան վերագրվել են Ալիեւի հրամանագրով: Այս ամենն ինձ հիշեցնում է 1950-ականների վերջին Բորիս Պաստեռնակի դեմ արշավը, երբ հազարավոր մարդիկ, ովքեր անգամ չէին էլ տեսել արտերկրում հրատարակված «Դոկտոր Ժիվագոն», ստիպված հրապարակավ քննադատության էին ենթարկում այն»,-ասում է ռուսական ամսագրի արձակի բաժնի ղեկավար Լեոնիդ Բախնովը:
Խաղաղության եւ ժողովրդավարության ինստիտուտի Բաքվի վելուծական կենտրոնի տնօրեն Լեյլա Յունուսն ասում է, որ ցասումը հրահրվել է իշխանությունների կողմից` ուշադրությունը երկրում առկա խնդիրներից շեղելու համար: «Վերջին ամիսներին ողջ երկրում հանրահավքների ականատես ենք դարձել, որի մասնակիցները բողոքում են ժողովրդավարության բացակայությանից, համատարած կոռուպցիայից եւ պահանջում Ալիեւի հրաժարականը: Այլիսլին ընտրվել է որպես ժողովրդի նոր թշնամի` բողոքողներին մոլորեցնելու եւ կուտակված ցասումն ու հիասթափության մի մասն անմեղ գրողի վրա թափելու համար»,-ասել է նա:
Իր «Քարե երազներում» Այլիսլին իր հայրենակիցներին կոչ է անում հայերի նկատմամբ կարեկցանք դրսեւորել` հաշվի առնելով նրանց կրած դժվարությունները:
