նախընտրելի դարձնելԼոռիի մարզում «Սեկոն» մականունով հայտնի Սերժիկ Դարչինյանը, ով «Ագնի» ռեստորանային համալիրում հաճախորդներին ճաշացանկի հետ մեկտեղ նաեւ մարմնավաճառուհիների ծառայություն է առաջարկել, դատապարտվել է 2 տարվա փորձաշրջանի: Լոռիի մարզի ընդհանուր իրավասության դատարանից NEWS.am-ը տեղեկացավ, որ սույն գործը քննվել է իրենց մոտ եւ Սերժիկ Դարչինյանը դատապարտվել է ազատազրկման 3 տարի ժամկետով, սակայն կիրառվել է ՀՀ Քրեական օրենսգրքի 70 հոդվածը եւ որոշվել է նշանակված պատիժը պայմանականորեն չկիրառել` նշանակելով փորձաշրջան 2 տարի ժամկետով:
Գործի նյութերի համաձայն` 61-ամյա Սերժիկ Դարչինյանը 2011թ. ապրիլին վարձակալելով «Ագնի» ռեստորանային համալիրը` մինչեւ 2012թ մայիս 3000-5000 դրամ վարձավճարով հանրային հաստատության հարմարեցված սենյակները պոռնկությամբ զբաղվելու համար պարբերաբար տրամադրել է իր ծանոթ մարմնավաճառներին: Նա «Ագնի» ռեստորանային համալիրում աշխատել է որպես խոհարար: Դարչինյանը նպաստել է մարմնավաճառներ Գոհար Խ-ի, Քրիստինե Ա-ի, Նարգիզ Թ-ի պոռնկությամբ զբաղվելուն:
Ավելի վաղ տեղեկացրել էինք, որ Լոռիի մարզում հունիսի 20-ին, «Սեկոն» մականունով հայտնի քաղաքացի է բերման ենթարկվել, ով Գուքարքի Թեժլեռ կոչվող տարածքում գործող ռեստորանն է աշխատեցնում: NEWS.am-ի թղթակցի հետ զրույցում ՀՀ ոստիկանության Գուգարքի բաժնից ընդամենը հաստատել էին տեղեկությունը, նշելով, որ փաստի առթիվ նյութեր են նախապատրաստվում: Ըստ NEWS.am-ի աղբյուների փոխանցմամբ «Սեկոնին» ձերբակալել էին տեղեկություններ ունենալով, որ «Սեկոն» ռեստորանում մարմնավաճառների ծառայություն է առաջարկվում: Մասնավորապես հաճախորդներին ճաշացանկի հետ մեկտեղ նաեւ մարմնավաճառուհիների ծառայություն է առաջարկվել:
