նախընտրելի դարձնելԳարնան գյուղատնտեսական աշխատանքներին աջակցելու նպատակով ՀՀ գյուղատնտեսության նախարարությունը գյուղացիական տնտեսություններին առաջարկում է գարու, կորնգանի, եգիպտացորենի եւ առվույտի էժան ու բարձրորակ սերմեր: ՀՀ կառավարությունն այսօր՝ փետրվարի 21-ին հավանություն տվեց նշված կուլտուրաների զարգացման ծրագրին:
Սերմերի մի մասը ներկրվել է, մյուս մասը ձեռք է բերվելու տեղական սերմարտադրող ընկերություններից:
Սերմացուները կբաժանվեն հետեւյալ չափաքանակներով. գարնանացան գարի՝ 850 տոննա, եգիպտացորեն՝ 11 տոննա, առվույտ՝ 37 տոննա, կորնգան՝ 530 տոննա:
ՀՀ վարչապետ Տիգրան Սարգսյանը նշեց, որ սերմացուները գյողացիներին կբաժանվեն շուկայականից էժան, իսկ կառավարությունը 40%-ով կսուբսիդավորի գինը: Տ. Սարգսյանը հատկապես կարեւորեց կորնգանի զարգացման ծրագիրը, որը թույլ կտա լուծել անասնակերի խնդիրը:
