նախընտրելի դարձնելԱՄՆ-ի նախագահ Բարաք Օբաման մարտի 1-ին հրամանագիր է ստորագրել բյուջեն 85 միլիարդ դոլարով կրճատելու մասին: Ավելի վաղ Օբաման հանդիպել էր ԱՄՆ-ի Կոնգրեսի առաջնորդի հետ` բյուջեի կրճատման քննարկման համար: Սակայն նրանք չէին կարողացել համաձայնության հասնել, հայտնում է AFP-ն:
Բանակցությունների տապալման համար նախագահը մեղադրել է հանրապետականներին, որոնք հրաժարվում են բարձրացնել հարկերը տարեկան 1 միլիոնից ավելի եկամուտ ունեցող քաղաքացիների համար: Ըստ Օբամայի` հանրապետականները համաձայն են ԱՄՆ-ի տնտեսությանը մեծ վնաս հասցնող բյուջեի կրճատմանը, սակայն պատրաստ չեն մեծահարուստ քաղաքացիների եւ կազմակերպությունների համար փակել հարկային համակարգի սողանցքերը, գրում է «Ռոսբալտը»:
Նշվում է, որ կրճատումների մեծ մասը Պենտագոնին է վերաբերում. ռազմական գերատեսչության բյուջեն կկրճատվի 64 միլիոն դոլարով: Սպասվում է, որ Պենտագոնը կկրճատի շուրջ 800 հազար պետծառայողի:
