նախընտրելի դարձնելԵրիտասարդ քաղաքական գործիչների ասոցիացիան եւ Համաշխարհային հայկական կոնգրեսի Երիտասարդական կազմակերպությունների ասոցիացիան հանդիպում են կազմակերպել Հայաստանի ԱԳ փոխնախարար Շավարշ Քոչարյանի հետ։
«Հայաստանի արտաքին քաղաքականության առաջնահերթությունները» թեմայի շրջանակներում Շավարշ Քոչարյանը պատասխանել է երիտասարդների հարցերին, ովքեր, իրենց հերթին, այս կամ այն հարցի շուրջ արտահայտել են իրենց դիրքորոշումը։
Քննարկվել են հայ-ադրբեջանական բանակցությունների արդի փուլը, գազի թանկացումները, Վահագն Չախալյանի ու Ռամիլ Սաֆարովի հարցերը:
Հանդիպման վերջում փոխնախարարը կարեւորել է երիտասարդների կողմից կազմակերպվող նման նախաձեռնություններն ու խոստացել, որ այսպիսի հանդիպումներն այսուհետ հաճախակի բնույթ են կրելու։
