նախընտրելի դարձնելՀայաստանի Սահմանադրական դատարանն, այսօր՝ մարտի 12-ին, ժամը 10:00-ին, շարունակել է նախագահի նախկին թեկնածուներ Րաֆֆի Հովհաննիսյանի եւ Անդրիաս Ղուկասյանի հայցերի քննությունը՝ նախագահական ընտրությունների արդյունքները չեղյալ հայտարարելու պահանջով, հաղորդում է NEWS.am-ի թղթակիցը:
ՍԴ որոշումը պետք է կայացnի հայցն ստանալու պահից սկսած 10 օրվա ընթացքում, այսինքն վերջնաժամկետը մարտի 14-ին է:
Հիշեցնենք, որ հայցերի քննությունն սկսվել է մարտի 11-ին: Րաֆֆի Հովհաննիսյանի շահերը ՍԴ-ում ներկայացնում են փաստաբան Կարեն Մեժլումյանը եւ ԱԺ պատգամավոր Զարուհի Փոստանջյանը: Իսկ Անդրիաս Ղուկասյանն ինքն է ներկայացնում իր հայցադիմումը: Կենտրոնական ընտրական հանձնաժողովից որպես պատասխանող կողմ ներգրավված են ԿԸՀ նախագահ Տիգրան Մուկուչյանը, քարտուղար Արմեն Սմբատյանը, եւ իրավաբանական վարչության պետ Նունե Հովհաննիսյանը:
Գործող նախագահի շահերը ՍԴ-ում ներկայացնում է Արդարադատության նախարար Հրայր Թովմասյանը եւ ԱԺ պետաիրավական հարցերի հանձնաժողովի նախագահ Դավիթ Հարությունյանը:
Լուսանկարը՝ Արսեն Սարգսյանի/NEWS.am
