ՆախընտրելիԵղանակային անբարենպաստ պայմանների պատճառով յոթ օդանավ չի կարողացել վայրէջք կատարել «Շերեմետեւոյում» եւ հեռացել են պահուստային օդանավակայաններ: Այս մասին «Ինտերֆաքսին» հայտնել է օդանավակայանի ավիադիսպետչերական ծառայության աղբյուրը:
«Եղանակային անբարենպաստ պայմանների, մառախուղի եւ ցածր տեսանելիության պատճառով յոթ օդանավ որոշել է վայրէքջ կատարել Սանկտ Պետերբուրգի եւ Նիժնի Նովգորոդի պահուստային օդանավակայաններում: Միաժամանակ, օդանավակայանը պատրաստ է եղել ընդունել ինքնաթիռներին, սակայն անձնակազմը որոշել է ռիսկի չգնալ»,-ասել է աղբյուրը:
Աղբյուրրը չի հաղորդել, որտեղից են թռչել օդանավերը` միայն նշելով, որ բոլոր այդ չվերթերն իրականացվում են ռուսաստանյան ավիաընկերությունների կողմից: Համաձայն օդանավակայանի ցուցատախտակի, Երեւան-Մոսկվա չվերթը վայրէջք է կատարել մարտի 16-ին, ժամը 00.31-ին` քսան րոպե ուշացումով:
