նախընտրելի դարձնելՌուս ուղղափառ եկեղեցուց անջատված Ուկրաինայի ուղղափառ եկեղեցու Կիեւի պատրիարքության պատրիարք Ֆիլարետը (Դենիսենկո) քննադատել է Հռոմի նոր Պապ Ֆրանցիսկոսին՝ պապական մեքենայից հրաժարվելու համար: Այդ մասին նա հայտարարել է ուկրաինական «5-րդ ալիքի» հեռուստաեթերում:
Ֆիլարետը պարզաբանել է, թե ինչու է ինքը շրջում գործարարների նվիրած Mercedes-ով. նման մեքենան շքեղություն չէ, այլ անհրաժեշտ փոխադրամիջոց:
Ֆիլարետին 777 համարանիշներով ամերիկյան Mercedes 600-ով առաջին անգամ նկատել էին 2009թ. վերջին` «Մեր Ուկրաինա»-ի համագումարին, գրում է NEWSRu.com-ը:
Մարտի 13-ին Հռոմի նոր Պապ ընտրված Ֆրանցիսկոսը հայտնի է իր խստակյացությամբ: Պապը հրաժարվել է մեքենաներից եւ մինչ ընտրվելը կրում էր մաշված կոշիկներ, որը նվիրել էին իր թեմի հավատացյալները: Իր առաջին ճառում Ֆրանցիսկոսը հայտնել է, որ կցանկանար տեսնել «աղքատ եկեղեցի՝ աղքատ մարդկանց համար»:
