Վրաց-ադրբեջանական «Կարմիր կամուրջ» հսկիչ անցակետում կանխվել է Վրաստան ոսկյա զարդերի մաքսանենգ ներմուծման փորձը։

Ինչպես հաղորդել են Վրաստանի ֆինանսների նախարարության եկամուտների ծառայությունից, Ադրբեջանի քաղաքացին՝ շրջանցելով  մաքսային ընթացակարգերը, փորձել է երկիր ներկրել թանկարժեք քարերով՝ ենթադրաբար՝ ադամանդներով,  ոսկյա զարդեր։

Ինչպես հաղորդում է «Գրուզիա Օնլայնը», Եկամուտների ծառայության մաքսային բաժանմունքի աշխատակիցների հայտնաբերած ապրանքն ուղարկվել է փորձաքննության՝ մաքսային գինը պարզելու համար։